الجبنة القديمة. الفلاحي الاصلي ما تتعمليش في #جرادل بلاستيك
لازم زلع فخار ..لان البلاستيك بالبلدي كدا ميت ما بيتنفسش
فتلاقيها بتعفن ...وبتحجر .وبيبقي ريحتها مش مقبولة
..تاني حاجة عشان تبقي طرية وبالمنظر دا ..لازم الجبنة من الاول تكون حلوة ونظيفة ...والمش يكون فلاحي اصلي قديم
ونضيف كوباية عسل اسود عليه ...ليه
اولا بيخلي لونها كدا .شبه الصورة ...وثانيا بيقلل طعم الملح الزايد ...وبيدي طعم احلي ...كوباية صغيرة علي ال٢كيلو مش
طب عشان ما يتكونش #دود......لازم النظاااااافة يعني نقفل الزلعة كويس جدا. ممكن بغطاء وفوقيه ورق قصدير وتربط حلو اوي وامنع وصول أي حشرات أو دبان لها ..اللي هي بتحط البيض اللي بيعمل الدود .. مافيش حاجة اسمها دود منه فيه .أو مثلا ما امدش ايدي مبلولة أو مش نظيفة اجيب جبنة .....وتقفلها كويس جدا جدا وتكون الزلعه دي في مكان ضل وطراوة ونظيف ..
ممكن اطلع مثلا كمية تكفيني اسبوع في بطرمان زجاج ..واحفظه في التلاجه ....وهكذا كل ما احتاج منعا من فتح وقفل الزلعه لاكتر من مرة وتعرضها لاي تلوث
جدودنا كانوا بيحطو قرون الترمس المر ..أو الشطة الحراقة
عشان يمنعوا التدويد
كمان إضافة كوب زيت صغير علي وش الجبنه بيعمل عازل عن الهوا ويمنع وصول الأتربة أو أي تلوث للداخل.