وخمستنا النهارده عرفناها من قدماء المصريين وفي عهد مصر الفرعونيه وهي عن سر اكلات يمكن كلنا محتاجين نعرفها في ظروف العالم كله بيعاني من العدو الخفي للفيروسات والبكتريا والفطريات والحقيقه وراء اكل الترمس والملانه والحلبه والفسيخ والملوحه والرنجه والبصل والليمون في الوقت ده من السنه اسرار عرفها الأجداد من آلاف السنين
طبعاحضرتكم عارفين مدي تقلب الجو في الربيع وكثره الرياح المحمله بالاتربه والأمراض وعلشان كده حرص المصري القديم علي اكل البصل لما له من فوائد كبيره في القضاء علي الفيروسات والبكتريا والطفيليات فهو مفيد لصحه القلب ويقوي جهاز المناعه ومضاد للالتهابات ويساعد علي ضبط نسبه السكر في الدم وتحتوي البصله ١٤٨ جرام علي ٤٥ سعر حراري وبدون دهون وعلي فكره البقدونس بيضيع رائحه البصل ولواتكلمنا علي الترمس فهو من الأنواع المهمه جدا المصري في شم النسيم فهو ملئ بالالياف والبروتينات والاملاح والمعادن الاساسيه وفيتامين (ب)وكوب ترمس يحتوي علي ١٩٨سعر حراري وكميه دهون قليله ونسبه ٣٠%بروتين وهو مقوي جدا للأعصاب ومنبه للقلب ومدر للبول ويخفض السكر في الدم
اما الملانه فهي الحمص الأخضر وفيه فيتامينات ويقبل عليه المصريين جدا في شم النسيم
والحلبه دي حكايه لوحدها واعتاد المصري علي تناول الحلبه عن طريق نقعها في الماء ليله كامله ولفها في شاش ورشها بالماء لتنبت والحلبه لو علم الناس مافيهامن فوائد لاشتروها بوزنها ذهبا لما تحتوي علي بروتين وفوسفور ومواد تماثل زيت كبد الحوت
كمان المصري بيحب ياكل الحرنكش وهو من الثمار الي بتقوي جهاز المناعه لما يحتويه من فيتامين سي وحديد وده كله ليرفع مناعه الإنسان
وبيقبل المصريين علي تناول البيض وبيلونوه للشعور بالبهجه والفرحه في عيد شم النسيم وله فوائد كتيره لصحه القلب وطبعا ماننساش الخس والي لازم يتاكل مع الفسيخ والرنجه علي مدار اليوم لانه بيخلص الجسم من الملح فهو يحتوي علي البروتين والكالسيوم
وطبعا اكل الفسيخ والملوحه والرنجه من أهم الاكلات المصريه في شم النسيم وعرفنا في حلقات خمسه ارشاد أنه لازم نشتريها من التاجر الموثوق فيه ولما نضغط علي الفسيخ لايتفتت ولا يبقي جامد وتمليحه يكون في براميل استالس وكل ده عرفناه في حلقات خمسه ارشاد وهنزلها لحضراتكم تبعا وكل سنه وانتم بألف خير وكده خمستنا خلصت والي لقاء في خمسه جديده تهم حضراتكم