وخمستنا النهارده مهمه جدا لكل مستهلك للحوم و هنعرف ازاي نفرق بين لحمه حيوان ميت ولحمه حيوان اندبح وهو حي اتسمي عليه واتكبر ومتستغربوش لانهم وجدوا ان التسميه بالله والتكبير بيجعل الحيوان يتخلص من الدم بصوره أفضل كتير من حيوان لم يذكر اسم الله عليه ويمكن تحريم ربنا علينا اللحمه الميته والي لم يسمي عليها رحمه بينا سبحانه كل ما يؤمر بيه خير طيب نعرف ازاي ان اللحمه دي للحيوان ميت يعني الدبح غير حيوي و بنلاقي ان اللحمه مليانه دم ولو وضعنها في الحله لتسويتها بتتملي الحله دم كمان وملمس اللحمة بيكون رغوي وزي الصابون ولون اللحمه بيكون أحمر غامق والدهن عليه دم وقلب الحيوان ده بيكون مليان دم وخاصة الجزء الشمال والكبده والفشه مليانة دم ومكان دبح الحيوان اكنه قطع بسكين عادي وطبعا بيتم قطع راس الحيوان الميت علشان يخفي معدومي الضمير جريمتهم وده كله عكس الدبح الحيوي الي بيكون مكان الدبح متعرج واللحمه وردي ومفيهاش دم كتيير وملمسها ودهنها زي ما شفناه في فيديو خمسه ارشاد وطبعا اللحمه الميته بسرعه بنشوف فيها علامات الفساد من لون أزرق وباهت ورائحة كريهه ونسيج متهتك والدهن بيكون لونه لموني مخضر
النقطه الي عايزه اركز عليها لحضراتكم هي أهميه الدهن في الحيوان لأن عن طريقه بعرف صلاحيه اللحمه وكمان نوعها صغيره او كبيره كمان نوع الحيوان المدبوح والنقطة دي هتفيدني في كشف لحوم الحمير والكلاب وازاي افرقهم عن لحمه الابقار والأغنام بمنتهي البساطه الي عودنا حضراتكم عليها في خمستناالإرشادية ن د
كل سنة وحضراتكم طيبين د/دنيا زاده